5 de xuño: Día Mundial do Medio Ambiente

Ao igual que o ano pasado a OPP 77 PUERTO DE CELEIRO, S.A., en colaboración co noso coloxio, organiza unha serie de actividades dirixidas ao alumnado de 5º e 6º curso:

NOTICIA NO XORNAL "EL PROGRESO"

• Taller educativo do medio ambiente mariño
  
  
  
  Desenvolvemento da actividade
  11:30 horas: Conectamos coa plataforma
  Presenta a actividade Jesús Lourido en representación de PUERTO DE CELEIRO, S.A.
  Saúdo da Directora do CEIP de Celeiro, Rita Lamas
  11:45 horas: Ofrece a súa conferencia Zeltia López
  12:05 horas: Resposta as preguntas do alumnado
  12:15 horas: Inicio da conferencia de Isabel Riveiro, Montserrat Pérez e Maria Carmen Sainza
  12:50 horas: Respostan as preguntas do alumnado
  13:00 horas: Remata a videoconferencia
  

O alumnado que desexe participar deberá presentar un traballo con mensaxes de coidado do medio mariño e da pesca sostible, en técnica e formatos libres.

• LER BEN AS BASES 
• Requisitos e mecánica de participación.
  A participación no concurso é gratuíta, voluntaria e require do cumprimento dos seguintes
  requisitos:
  ✓ Acceder a videoconferencia do 5 de xuño
  ✓ Inscribirse co profesorado de cada aula
  ✓ Aceptar as bases do concurso
  ✓ Entregar en prazo o traballo co que se pretende participar
• 
  

• CONCURSO ESCOLAR MEDIO AMBIENTE MARIÑO (Edición 2020)

LETRAS GALEGAS 2020

Na seguinte páxina atopamos todas as actividades realizadas polas LETRAS GALEGAS

Premede na imaxe

DÍA DO LIBRO

DÍA DO LIBRO E DEREITOS DE AUTOR

Este ano o Día do Libro conmemorámolo dende as nosas casas. Por iso as mestras e mestres do cole quixeron agasallar a todo o alumnado cun conto moi popular dos irmáns Grimm: Os sete cabritos (unha adaptación de Tareixa Alonso & Teresa Lima).

  ACTIVIDADES NO COLEXIO por cursos

 

VÍDEO DE ENCONTRO: PROFESORADO E ALUMNADO DO COLEXIO

O domingo 12 de abril, lanzamos a proposta que podedes ler tamén na imaxe da dereita.

Trátase de que nos enviedes imaxes para logo realizar un vídeo colaborativo en recordo destes días de confinamento na casa.

ANIMÁDEVOS A PARTICIPAR!

DÍA DO LIBRO INFANTIL E XUVENIL

PREPARANDO O DÍA DO LIBRO INFANTIL

O día 25 de marzo a Bibliosoños propuxo esta actividade para conmemorar o Día do Libro Infantil e Xuvenil.

Participou o seguinte alumnado:

• 4º Infantil: David, Carmen e Iria
• 6º Infantil: Cristina
• 1º Primaria: Antón, Paula
• 2º Primaria: Nuno, Julia, Cristina, Mateo e Celia
• 3º Primaria: Antía, Valeria
• 4º Primaria: Laura
• 5º Primaria: Bruno e Helena
• 6º Primaria: Pedro Gil

NORABOA POLO VOSO TRABALLO, 

SODES UNS ARTISTAS!!! 

DÍA DA POESÍA E DA ÁRBORE

Xa temos o vídeo que realizamos con todos os traballos que se presentaron á proposta da BIBLIOSOÑOS:

IMOS SEGUIR TRABALLANDO... A BIBLIOSOÑOS PROPÓN...

Moitas gracias ás familias pola súa implicación. Temos que seguir traballando por iso animámosvos a que sigades as novas propostas que fará a BIBLIOSOÑOS

 

Conmemoramos o DÍA DA MULLER

O vindeiro 8 de marzo é o Día da Muller por iso no noso colexio durante esta semana fixemos actividades e traballos para fomentar a igualdade entre nenas e nenos, homes e mulleres e visualizar os seus dereitos.

Cada ano este día vai dedicado a unha muller relevante relacionada co Concello de Viveiro, pero este ano quixemos preguntar ás familias por esas mulleres que están no noso recordo e que foron parte fundamental da nosa sociedade por diversos motivos. A enquisa proporcionounos a figura de Dolores Salgueiro Fernández, "A Chitona".

PÁXINA SITES DEDICADA Á CHITONA

• Na Biblioteca elaboramos unhas pequenas presentacións: 

• O seu fillo Vicente Míguez (exprofesor do colexio) impartiu unhas pequenas charlas para todo o alumnado dividido en dous grupos: Infantil, 1º e 2º curso e outro con 3º, 4º, 5º e 6º curso.

• Tamén nos preparou unha pequena exposición con fotografías

• Nas aulas tamén prepararon diversos traballos e murais

Conmemoramos a Rosalía de Castro

Todas as actividades realizadas atopámolas na páxina especial de ROSALÍA DE CASTRO. 

Clica

ENTROIDO 2020

TODO O QUE FIXEMOS NO ENTROIDO 2020

ATOPARÉMOLO NO 

BLOG DO ENTROIDO

DÍA MUNDIAL DA RADIO

O 13 de febreiro celebramos o Día Mundial da Radio, unha efeméride oficial proclamada pola ONU en 2012. A radio é neste momento, o medio informativo máis emblemático e dinámico, a pesar dos avances e novos sistemas de comunicación que apareceron no último século. O obxectivo principal deste día é facer da radio un medio interactivo que propicie o debate para tratar distintos temas que interesan á colectividade. Ademais, a radio ten a vantaxe de chegar a lugares remotos, que non é posible mediante o uso doutras tecnoloxías máis modernas. 

Este ano o Día Mundial da Radio, celébrase baixo o lema: "Pluralismo, Representación e Diversidade" 

Aproveitando a radio escolar do noso colexio, a RUFO SOÑOS, e dado que no noso centro, desde xa vai moito tempo, temos alumnado, familias e profesorado doutros países como Venezuela, Brasil, Colombia, República Dominicana, Marrocos, Romanía, Portugal, Eritrea, Estados Unidos… e tamén doutras etnias e doutras confesións relixiosas… O equipo formado por Yeray, Nicolás, Mireya, Mar e Pedro Gil, prepararon un programa especial dedicado a esta celebración.
Contaron coa visita de MELISA LAURO, a nosa auxiliar de conversa, que procede de New Jersy; tamén coa nai de Patrik, IONELA MARCELA que procede de Romanía e por último tres compañeiros e compañeiras que leron uns poemas nas súas linguas natais.

Foi gravado este mesmo día agás a entrevista da nosa auxiliar de conversa, Melisa Lauro, dado que só está no noso colexio os luns e martes.
Tamén temos que contar que foi gravado en directo tendo como público ao alumnado de 6º curso.

Agradecemos a colaboración de todos os participantes. 

 FELIZ DÍA DA RADIO!!!

Viaxe cultural de 5º e 6º curso

Na xornada do xoves, 6 de febreiro os alumnos e alumnas de 5º e 6º curso puxeron rumbo á Santiago de Compostela para levar a cabo varias visitas:

• Parlamento de Galicia
• Catedral de Santiago
• Museo do Pobo Galego

Extraescolares: clases de pintura

A profesora de pintura Oliva cos seus alumnos e alumnas posan moi orgullosos do seus traballos rematados que levan para as casas. 

Moitas felicidades polos vosos cadros!

TODO SOBRE O DÍA DA PAZ

No blog especial do  DÍA DA PAZ E NON VIOLENCIA 

atopamos todas as actividades que fixemos para celebrar este día.

Estamos estreando BIBLIOTECA NOVA

Como xa informamos na seguinte entrada do blog:

A nova Biblioteca do cole

a nosa BIBLIOTECA  cambiou de localización e durante os meses de novembro e decembro estivemos de mudanza . Todavía quedan cousas por facer pero xa vai tomando forma e quedounos moi acolledora e con moito máis espazo para as actividades.
Dentro de pouco presentaremos un vídeo onde amosaremos a NOVA BIBLIOTECA.

Na mañá do mércores, 22 de xaneiro, fixemos unha primeira actividade a modo de pequena inauguración entre o alumnado. As alumnas de 4º curso: Amalia, Paula, Antonella, Thaïs e Samaria, fixeron un Apadriñamento Lector coa lectura "Os trasnos zapateiros", un conto dos irmás Grimm, cunha adaptación e canción de Xosé Lueiro.

Fixéronno moi ben! e todo o alumnado de Infantil, 1º, 2º, 3º e 4º curso aplaudiron as actuacións.

No vídeo podemos ver un resumo da actividade:

Visita dos usuarios da DOMUS VI

Hoxe estiveron no colexio os usuarios da Residencia  DOMUS VI de Viveiro para contarnos o conto de: ANTÓN E O APALPADOR.

Pasámolo estupendamente pois ademais regaláronnos as figuriñas coas que lles axudamos a contar o conto: estrelas, árbores, animais, carbón, a ra...

Mañá farán un Mercadillo Solidario na propia Residencia e tocaranos a nós facerlles unha visita; ademais o coro do colexio cantará panxoliñas a partir das 17:30 horas, para todos os usuarios e para os visitantes.

MOITAS GRACIAS POLA VOSA VISITA!!!

TODO SOBRE O NADAL 2019

TODAS AS ACTIVIDADES DE NADAL ATOPÁMOLAS NO BLOG DO NADAL 

CLICA NA IMAXE

ACTUACIÓN DO CORO NA INAUGURACIÓN DO BELÉN

O Coro do Colexio foi convidado a actuar na inauguración do Belén: Viveiro ante o Berce.

Formaron o coro nenas e nenos de 3º a 6º de Primaria.

Para esta actuación prepararon unhas panxoliñas tradicionais e outra de estilo máis moderno.

Pasaron unha tarde estupenda e foron moi aplaudidos. Ao finalizar poideron degustar un bo chocolate con churros.

Dende o colexio agradecemos ao Concello de Viveiro e en especial a Lara Fernández, concelleira de Cultura, a invitación para participar neste acto tan popular no Nadal de Viveiro.

 NOTICIA NA VOZ DE GALICIA

SEMANA DA CIENCIA EN GALEGO NO NOSO COLEXIO

Novembro, Mes da Ciencia en Galego nas Bibliotecas- 2019

Na semana do 25 ao 29 de novembro o noso colexio estivo inmerso no MUNDO DA CIENCIA.

Diferentes cursos de Primaria e de Infantil fixeron unha exposición de diversos experimentos.
Escollemos o horario dedicado á HORA DE LER para xuntarnos no Salón de Actos e alí realizar moitos experimentos sobre a flotación, a erupción dun volcán, refracción...

O colexio colabora no Concerto Solidario de Santa Cecilia (Landrove)

O coro do colexio foi invitado a participar no Concerto Solidario de Santa Cecilia  que organizou a Asociación "Pequenos Pasos" de Landrove e que tivo lugar na Igrexa de Landrove o sábado 23 de novembro. Os donativos foron entregados para a investigación do Cancro Infantil. O acto foi todo un éxito e a  Igrexa quedou pequena para acoller a todo o público que se solidarizou coa organización.

O cartel foi compartido co Coro Parroquial de Landrove, o Coro de adultos do Conservatorio, Escolma de Meus e Amigos do Fol.

As nenas e nenos do colexio, de 3º a 6º curso, fixeron unha actuación moi aplaudida por todo o público polo que temos que felicitalos e animalos a seguir disfrutando da música.     Noraboa!!!

A continuación deixámosvos o vídeo resumo da súa actuación

Apadriñamento Lector

Na Hora de Ler, o alumnado de Infantil e 1º curso tiveron un Apadriñamento Lector do alumnado de 2º e 5º curso.
Fixeron unha adaptación do conto popular "Garavanciño" coas seguintes persoaxes:

Narradora: Helena Goás

Garavanciño: Aurora Rodríguez

Nai: Sara Asmerón

Pai: Nelly Lourido

Boi: Andrés Vasile

O conto rematou coa canción: "Pachín, Pachín..." cantada polo alumnado de 2º curso.

Naroboa a todos!!! Fixéronno moi ben

Presentación dos Dereitos da Infancia 2019

MÁIS INFORMACIÓN NO BLOG DOS DEREITOS DA INFANCIA

O alumnado de 1º curso, xunto coa súa titora Rita e a mestra Lucía, prepararon unha presentación sobre os Dereitos da Infancia:

• Elaboraron un gran mural e outros máis pequenos con debuxos e pictogramas onde se recollían algúns dos dereitos traballados na clase.
• A presentación tivo lugar na Biblioteca do colexio para todo o alumnado de Infantil e 2º curso.
• No seguinte vídeo recollemos un pequeno resumo.

Todos ao teatro!!!

 Dentro das actividades organizadas pola ANPA do colexio, no PROXECTO DE PROMOCIÓN DA IGUALDADE E PREVENCIÓN DA VIOLENCIA DE XÉNERO,  na mañá do martes 19 de novembro estaba programada unha saída ao teatro, para todo o alumnado do centro.

A compañía GHAZAFELHOS puxo en escea a adaptación do libro "O país dos mandóns".

Un libro que traballamos moito no colexio para o fomento da igualdade entre nenas e nenos.

Recordamos, a través do seguinte vídeo, a adaptación realizada pola titora de 3º no curso escolar 2014-2015, Angélica Novo.

E agora O MAGOSTO!!!

 

No mes de novembro sempre celebramos a nosa Festa do Magosto

Estaba programada para o luns 11, DÍA DO SAN MARTIÑO, pero como deron mal tempo para toda a semana, decidimos celebrala hoxe no pavillón polideportivo do colexio facendo os xa tradicionais xogos e comendo castañas.

No primeiro turno participaron nos xogos todo o alumnado de Primaria, despois degustamos todos xuntos as ricas castañas asadas e por último foi o turno dos xogos para o alumnado de Infantil.

Fixemos unha pequena reportaxe fotográfica da Festa que queda recollida no seguinte vídeo:

Sabemos todo o que hai que saber sobre o peixe?

Hoxe tivemos a visita de Silvia Gil Chumillas, Técnica de Calidade e Seguridade Alimentaria, de FEDEPESCA.  Pola mañá,  o alumnado de 5º e 6º curso, participou dunha charla informativa con visualización de vídeos  e interactuaron facendo preguntas moi interesantes.

Xa pola tarde a charla estivo dirixida ás familias e persoal docente.

A base do proxecto é concienciar ás futuras xeracións da importancia da protección e recuperación da biodiversidade mariña para o consumo futuro de peixe; como podemos conservar os recursos biolóxicos; como o sector e as administracións traballan unidas para a limitación do impacto da pesca e a adaptación da mesma á protección das especies, todo iso sen deixar para comer peixe, é máis, dando unhas pautas de como se debe consumir este produto, e explicando o marco de control pesqueiro e protección do medio ambiente europeo.

CHEGOU O SAMAÍN!!!

E chegou o SAMAÍN!!!

Contacontos na Bibliosoños para o alumnado de Infantil 

Logo e actividades da ANPA

A ANPA do noso colexio convocou un concurso de ideas para o alumnado de Primaria no que tiñan que  crear un LOGOTIPO de identificación para a mesma.

A reposta foi moi satisfactoria pois participaron uns 40 nenos e nenas de 1º a 6º de Primaria.

O gañador do concurso foi Raúl Pernas de 3º curso con este debuxo:

Hoxe na Bibliosoños as nais fixeron entrega dun agasallo especial ao premiado e outro agasallo a cada un dos participantes:

Hoxe, tamén a través da ANPA, tivemos unha sesión de 

Contacontos con PABLÍSIMO

Obradoiros de igualdade no colexio

O luns, 21 e martes 22, de outubro o alumnado de 3º, 4º, 5º e 6º de Primaria participaron nos Obradoiros de Igualdade impartidos por Freddy Gonçalves e organizados pola ANPA do noso colexio.

Freddy Gonçalves explica o que traballaron:

 A partir de una dinámica que incluye la lectura de libros, ver vídeos musicales e incentivar un debate, las chicas y chicos participan en una entrevista para llevar a cabo pequeñas misiones secretas en nombre de la igualdad. Comenzamos con una conversación acerca de la identidad y la identidad cultural, que nos lleva a pensar en quiénes somos y en cómo ponernos en los zapatos del otro para conocernos un poco mejor entre compañeros. Esto dará pie para reflexionar sobre los estereotipos alrededor de las chicas y los chicos, ¿cómo nos ven los demás y cómo nos vemos a nosotros mismos? 

A partir de ese debate, las conclusiones a las que llegamos, damos por terminada la entrevista y procedemos a enfrentar diversas misiones. Estas misiones son actividades lúdicas y reflexivas alrededor de la tolerancia, la igualdad de género, el respeto y el poder de las palabras y los gestos en nuestra relación cotidiana con el otro. Esto los llevará a construir una identidad propia como colectivo, siendo iguales pero respetando sus diferencias.

DÍA DA BIBLIOTECA ESCOLAR

O 24 de outubro celébrase o Día das Bibliotecas Escolares, no noso colexio celebramos este día realizando un vídeo especial no que os voluntarios e voluntarias da Biblioteca van contando o que nela levamos a cabo. Tamén nos contan que estamos a celebrar o 10º aniversario  de permanencia no PLAMBE, do blog, da mascota Rufo e da súa canción.

Nas aulas, as nenas e nenos fixeron o tradicional marcapáxinas
 co tema deste 10º aniversario

 Tamén preparamos dous vídeos con pictogramas das cancións

 "Unha festa especial" e "Canción para Rufo"

Cartel das Actividades Especiais da ANPA

ACTIVIDADES ESPECIAIS DA ANPA 19-20

HORARIO DAS TARDE NA BIBLIOSOÑOS

ACTIVIDADES ESPECIAIS DA ANPA

A ANPA do CEIP de Celeiro informa das actividades especiais a realizar a través da Subvención concedida pola Xunta de Galicia:

Para o alumnado dentro do centro escolar

• Obradoiros de Igualdade (alumnado de 3º, 4º, 5º e 6º curso). Semana do 21 ao 25 de outubro.
• "Contacontos" (alumnado de Infantil, 1º e 2º). Martes, 29 e xoves, 30 de outubro.
• "Teatro" da compañía Ghazafelhos "O país dos mandóns" (todo o alumnado). Martes, 19 de novembro.

Para as familias socias da ANPA (que están cubertas co seguro escolar)

• Cine en familia: "Frouzen" e "Wanda" no mes de outubro

Para pais e nais, charlas informativas:

• CHRYSALIS. Asociación de nais e pais de alumnos transsexuais e novas masculinidades. Xoves, 10 de outubro.
• POLICÍA NACIONAL. Delitos en internet, delitos sexuais... Xoves, 7 de novembro.
• RAQUEL GRAÑA, sexóloga. Tratamento da sexualidades, estereotipos sexuales... Xoves, 21 de novembro.

ACTIVIDADES EXTRAESCOLARES OFERTADAS POLA ANPA PARA O CURSO 2019-2020